Pjesëtarë të Policisë së Tetovës, të martën mbrëma kanë realizuar aksion në objektin hotelerik “Alpa Mare”, pronë e 48 vjeçarit F.T nga fshati Negotinë i Pollogut, që ndodhet përgjatë autostradës Gostivar-Tetovë. Me këtë rast, janë ndaluar nëntë femra, prej të cilëve gjashtë nga Shqipëria dhe tri nga Maqedonia, të cilët kanë qenë të angazhuara si valltare. Gjashtë shtetaset e Shqipërisë të moshës nga 19 deri në 39 vjeçare, për shkak të keqpërdorimit të qëndrimit turistik janë arrestuar dhe mbajtur në Stacionin Policor në Gostivar, ndërsa më pas janë dërguar në Njësinë për kriminalitet ndërkufitar, migracion të huaj dhe riatdhesim për procedurë të mëtejshme.
