30 Nëntor 2018 / 19:19
Pas informacioneve se Prokuroria publike me vite ka qenë e përgjuar përmes centralit të telefonisë fikse në Prokurori. Ka reaguar edhe kreu i opozitës Hristijan Mickoski, duke e cilësuar këtë akt si skandaloz dhe duke kërkuar dorëheqjen e menjëhershme të ministrit të Brendshëm Oliver Spasovski, i cili asokohe ishte i emëruar ministër i brendshëm i Qeverisë Teknike.
Këtu fajtorin duhet ta kërkojnë në radhët e tyre, sepse ashtu siç lexova, bisedat e para janë regjistruar diku në fillim të muajit shtator, ndërsa regjistrimi zgjat edhe sot e kësaj dite, periudhë kjo kur Ministër për Punë të Brendshme është Oliver Spasovski. Më së paku që mund të bëjë pas serisë së gabimeve katastrofale në këtë një vit e gjysmë, pas serisë së krimeve të pazbardhura në Republikën e Maqedonisë, është që Oliver Spasovski të jep dorëheqje të parevokueshme”- u shpreh Hristijan Mickoski. kryetar i VMRO-DPMNE-së.
Ndryshe, sot Kryeprokurori Jovevski tha se në rrjedhë janë hetimet për atë se kush dhe për çfarë qëllimesh ka përgjuar bisedat e bëra në godinën e Prokurorisë që nga shtatori i vitit 2016 ndërsa zëdhënësi i Qeverisë ka theksuar se përgjimi ka qenë praktikë e pushtetit të kaluar ndërsa ka njoftuar se edhe MPB-ja është përfshirë në procedurën para-hetimore për këtë rast.
ALSAT
Loading…
