Nobelistja Uided Bushamaui profesor nderi në FON

Fituesja e Çmimit Nobel për paqe Uided Bushamaui sot nga Universiteti FON do të marrë titullin profesor nderi (profesor honoris causa). Uided Bushamaui, ka lindur më 18 tetor të vitit 1961 në Gabes, provinca Bushama në Tunizi. Si ekonomiste e re i ka integruar firmat Hedi Bouchamaoui & Sons, e specializuar në sferën e naftës,
BTP tekstil dhe industri. Në vitin 1994 e ka formuar kompaninë Maille Fil e specializuar në përpunimin e pambukut dhe fijeve
të pambukut.
Në vitin 2013 në rolin e kryetares së UTIKA-s, përndryshe një nga katër organizatat të cilat e përbënin Kuartetin Tunizian, Uided Bushamaui së bashku me Husin Abasi, (UGT) Abdelsaltar ben Musa (Liga tuniziane për të drejtat e njeriut) dhe Mohamed Fadel Mahmud (Asociacioni kombëtar i avokatëve) e kanë marrë rolin historik për fillimin e dialogut kombëtar dhe stabilizim të shtetit të saj Tunizisë.
Në vitin 2014, Uided Bushmaui me bashkëpunëtorët e saj i ka organizuar zgjedhjet presidenciale dhe parlamentare, që solli deri në stabilizim të brendshëm në Tunizi. Kuarteti tunizian në krye me Bushamauin, e ka fituar Çmimin Nobel për paqe për vitin 2015 në konkurrencë të 273 konkurrentëve nga e gjithë bota. 06