Ushtari i cili ishte i involvuar në ngjarjet më 27 prill në Kuvend, që brenda një kohe të shkurtër pas kësaj shkoi në mision në Afganistan, prej së premtes së kaluar u kthye në Maqedoni dhe u dërguar në bisedë te prokurori. Siç merr vesh MIA nga Ministria e Mbrojtjes, për ushtarin i cili paraprakisht u evidentua nga policia si pjesëmarrës në ngjarjet e 27 prillit, procedura për kthimin e tij në Maqedoni ka filluar menjëherë pasi u kuptua se ai u dërgua në mision. Nga Ministria potencojnë se për ushtarin e kthyer tashmë është hapur procedurë disiplinore, si dhe kanë filluar procedura edhe për oficerë dhe ushtarë të tjerë të ARM-së, të cilët kanë marrë pjesë në ngjarjet e pakëndshme në Kuvendin e RM-së më 27 prill.
