“Lodrat në librat e artistëve – koncertina pergamenë” është quajtur ekspozita e cila sonte nga ora 20 në suaza të “Verës së Shkupit” do të hapet në NLB Galerinë.
Drejtoria e Kulturës dhe Artit-Shkup e organizon në bashkëpunim me Shoqatën e artistëve figurativ të Maqedonisë (SHAFM). Autore e ekspozitës është Leposava Millosheviq-Sibinoviq, skulptore akademike dhe piktore nga Serbia, për të cilën lodrat dhe robotët janë inspirim artistik. Pjesëmarrësit në projekt janë artistë nga Serbia, Maqedonia, Franca, Meksika, Spanja, Hungaria, Bullgaria, Armenia, Kuba, Kroacia, Kanadaja, Rusia.
Sipas autores, nevoja njerëzore për të luajtur është e vjetër aq sa njeriu është i lidhur me sende të ndryshme – nga të thjeshtat, të gjetura në mjedisin jetësor, deri në pajisjet elektronike bashkëkohore komplekse. Lojërat janë lëndë e pandarë gjatë rritjes, por janë edhe tregues kulturorë gjatë kohës në të cilën kanë (ekzistuar) ose ende janë aktuale.
