Në maj të këtij viti janë lëshuar 222 leje për ndërtim, që është për 7,9 për qind më pak në krahasim me majin e vitit të kaluar. Në periudhën e raportimit është paraparë ndërtimi i 477 banesave, me sipërfaqe të përgjithshme të shfrytëzimit prej 38.951 metër katrorë, publikoi sot Enti Shtetëror i Statistikës.
Më shumë leje janë lëshuar në rajonin e Shkupit, 40, ku kryesojnë komunat Qend[r, Butel dhe Shuto Orizarë, me nga nëntë leje. Vijon rajoni jugperëndimor me 39 leje, prej të cilave 20 janë në Kërçovë. Edhe në Strumicë janë lëshuar 20 leje për ndërtim, të cilat janë pjesë e 36 lejeve të lëshuara. Më pak leje për ndërtim, katër, ka në rajonin verilindor. Sipas lejeve të lëshuara për ndërtim, vlera e paraparë e objekteve është 3.529.344.000 denarë, që është për 4,2 për qind më pak në krahasim të majit të vitit të kaluar. Nga numri i përgjithshëm i lejeve të lëshuara për ndërtim, 16 (52,2 për qind) janë dedikuar për objekte të ndërtimit të lartë, 41 (18,5 për qind) të ndërtimit të ulët dhe 65 (29,3 për qind) për objekte për rikonstruktim. Te 116 (52,3 për qind) objekte si investues paraqiten persona fizikë, ndërsa te 106 (47,7 për qind)
investues janë subjekte afariste.
