Gjatë 24 orëve të fundit, në periudhën nga ora 07:00 të datës 05.08.2021 deri më ora 07:00 të ditës së sotme (06.08.2021) në aktivitetet për shuarjen dhe parandalimin nga zjarret në territorin e Republikës së Maqedonisë së Veriut, nga ana e MPB-së ishin të angazhuar rreth 450 nëpunës policorë, si dhe 165 moto-patrulla dhe 148 automjete.
Në periudhën e lartëpërmendur, në afërsi të zjarrit te vendi “Stara Deponia” në Shtip është pikasur S.G. (57) nga Shtipi me automjetin “opel astra”, në të cilin gjatë kontrollit janë gjetur rrokë të djegura, për të cilat ka sqaruar se i ka djegur si hekur mbeturinash. Për rastin është informuar Prokurori Publik, kurse pas kompletimit të matertialit do të parashtrohet kallëzim përkatës.
Më datën 05.08.2021 në ora 20:10 minuta në repetitorin Vodno nga ana e patrullës së policisë janë pikasur tre persona të cilët kanë qenë në pjesët pyjore dhe ata janë në mbajtje në stacion policor, pas së cilës kundër tyre do të parashtrohet kallëzim përkatës.
MPB-ja apelon rreptësisht të respektohet ndalesa për lëvizje nëpër pyje, qytetarët në mënyrë maksimale të përmbahen nga ndezja e zjarreve, mbeturinave, megjave, të mos hudhin bishtat e cigareve dhe të mos lënë shishe prej xhami ose sende tjera, të cilat nëse janë një kohë më të gjatë në diell mund të shkaktojnë zjarr. Është e domosdoshme syçeltësi maksimale dhe sjellje e përgjegjshme e çdo individi.
