Pas situatës së fundit politike në Maqedoni me ndryshimin e emrit, ministri Spasovski është shprehur se situata në Maqedoni është stabile dhe ky është një çast historik për të gjithë qytetarët.
“Gjendja e sigurisë në Maqedoni është stabile. Qytetarët e Maqedonisë janë tejet të vetëdijshëm për momentin historik të vendit, dhe pres përkrahje për integrimet euroatlantike, sepse qytetarët në Maqedoni janë të rëndësishëm. Normal që secili prej politikanëve dhe qytetarëve të vendit është i vetëdijshëm për këtë dhe pres që të kemi situatë stabile, si politike po ashtu edhe të sigurisë në vend”,- deklaroi ministri i punëve të brendshme, Oliver Spasovski.