Ndryshime në drejtorinë për mbrojtje dhe shpëtim

Janë lokalizuar por jo dhe shuar tërësisht disa zjarre në Maqedoni, në komunat Çashkë, Makedonski Brod dhe Petrovec. Në Brod janë djegur rreth 5 mijë hektarë pyje ndërsa për ripërtëritjen e të njëjtave nevojitet periudhë 30 deri në 50 vjet. Zjarri rreth manastirit Treskavec është shuar dhe në këtë ndihmuan qindra banorë të kësaj pjese bashkë me zjarrfikësit. Në Prilep, siç bëjnë të ditur nga njësia zjarrfikëse, janë aktive dy zjarre më të mëdha ku pritet të intervenojë Drejtoria për Mbrojtje dhe Shpëtim. Situatë më qetë paraqitet edhe në Gurgurnicë të Tetovës ku zjarri është vënë nën kontroll. Sot ndërkohë është shkarkuar drejtori i Drejtorisë Shaban Saliu, në vend të tij është emëruar Adnan Xhaferoski. Ky i fundit është anëtar i këshillit ekzekutiv të LSDM-së. Arsimi tij I lartë është nga sfera e biznesit, shkencave politike dhe marrëdhënieve ndërkombëtare.