Ministri i Kulturës, Asaf Ademi, si përfaqësues i vetëm i Lëvizjes Besa në Qeverinë e Maqedonisë, në intervistë për Almakos premton reforma në veprimtarinë e kulturës, të cilat do të mundësojnë kulturë për të gjithë bashkësitë etnike dhe të ndërpresin diskriminimin kulturor të shqiptarëve.
Ademi thotë se në të ardhemen i vetmi kriter për finansimin e projekteve të kulturës do të jetë cilësia e projektit, e jo emri i përpiluesit të tij.
Ai ka folur edhe për shanset që gjuha shqipe të merret në mbrojtje me ligj, ashtu si mbrohet edhe gjuha maqedone.
Sipas tij, gjendja në ministrinë e Kulturës është më e keqe se sa që ka mundur ta imagjinojë, nga aspekti i menaxhimit me resurset njerëzore dhe finansiare.
Duke qenë se është ministër i vetëm i Lëvizjes Besa në qeverinë e kryeministrit Zoran Zaev, Ademi thotë se është pritur mirë atje dhe se ka ndërtuar raporte korrekte me ministrat tjerë të qeverisë.
Për më shumë detaje ndiqni intervistën me ministrin e Kulturës, Asaf Ademi.
