Mehmeti: I njohim banditët që po rrahin administratorët shqiptarë në institucione!

Mos pandeh dikush se nuk i njohim banditët dhe drejtorët e sotëm qyqarë të BDI-së, që shantazhojnë e dhunojnë nëpunës shtetëror dhe të punësuar nëpër ndërmarrjet publike, vetëm pse ata nuk merren me aktivitet partiak, sikur të ishin shërbëtorë të kësaj partie, porosit shkrimtari i njohur shqiptar, Kim Mehmeti. “Kuptohet, për të njerëzishmit është e pamundur ta imagjinojnë shqiptarin që fitoren ‘demokratike’ dhe postin e drejtorit, e mbështet mbi gjakun e të nënshtruarve të vet dhe mbi lotët e nënave shqiptare! Dhe duhet mbajtur mend këta dhunues e bandit të sotëm partiak të BDI’së,e që veprojnë sipas udhëzimeve të drejtuesve partiak! Edhe atë jo që t’u hakmerremi e ta thellojmë humnerën e rrugaçërisë partiake, ku na ka zhytur BDI’ja, por që të mundet fëmijët tanë të shohin pamjen e qyqarëve shqiptarë që na dhunuan për një votë të vetme dhe ç’fytyrë kanë ata që na shiteshin ‘trima’ e ‘burra’, por vetëm pse e dinin se dhuna mbi shqiptarin le që nuk ndëshkohet, por edhe shpërblehet!”, vlerëson shkrimtari Kim Mehmeti.