LSDM e ka cilësuar si sukses të qeverisjes uljen për dy denarë të çmimit të derivateve të naftës. Partia në pushtet ka njoftuar se mbetet plotësisht e përkushtuar për mbrojtjen dhe avancimin e standardit jetësor të qytetarëve.
“Është hequr akciza shtesë për derivatet e naftës me çka qytetarët do të paguajnë dy denarë çmim më të ulët. Qëllimi i kësaj mase është mbrojtja e standardit të qytetarëve. Me ndryshimet e Ligjit për Akciza në prill 2021, është siguruar që të mos ketë rritje të lartë të çmimeve të derivateve të naftës.
Sipas ligjit, akciza shtesë prej tre denarëve te benzina është paraparë nëse çmimi i berzës botërore është nën 390 dollarë për një ton, ndërsa nëse çmimi është mes 390 – 590 dollarë për ton, atëherë akciza është dy denarë dhe nëse është mbi 590 denarë atëherë akciza është 0 denarë”, thuhet në njoftimin e LSDM-së.
Ata sqarojnë se ligji parasheh te dizeli akcizë shtesë prej tre denarëve nëse çmimi i berzës botërore është nën 400 denarë. Akcizë shtesë prej dy denarëve është paraparë nëse çmimi në berzën botërore është mes 400 dhe 600 dollarëve dhe nëse çmimi i berzës botërore është nën 600 dollarë atëherë nuk ka akcizë.