Lëvizja për Reforma në PDSH, ka drejtuar një letër të hapur, Ambasadorëve të SHBA-së dhe BE-së në Shkup, Aivo Orav dhe Xhes Bejlit, të dërguarit special të Gjermanisë Johanes Hajndëll, si dhe zv/ndihmës sekretares amerikane të shtetit për Evropë dhe Azi Viktoria Nuland. Në letrën e tyre, partia e Ziadin Selës kërkon formimin e një Qeverie të ekspertëve, e cila do të ketë prioritet implementimin e reformave reale dhe përgatitjen e terrenit për zgjedhje të ndershme dhe të lira. Sipas tyre, çështja kryesore që rrënon kredibilitetin e zgjedhjeve aktualisht është lista zgjedhore dhe nëse nuk pastrohet, do të përsëritet manipulimi i zgjedhjeve.
