Edhe politika ka reaguar lidhur me përmbajtjet ofenduese dhe skandaloze të vjershave “E punësuar partiakisht” dhe “Fqinjët e mi” në kuadër të projektit “Poet të rinj” të mbështetur nga Agjencia për rini dhe sport. Përderisa kryeministri Zoran Zaev thotë se përmbajtja e vjershës nuk mund të jetë arsye për dorëheqjen e drejtorit të Agjencisë Darko Kaevski i cili sipas tij është kuadër i mirë, VMRO-ja thotë se pikërisht Kaevski Agjencinë e shndërroi në Institucion që përhapë shovinizëm dhe gjuhë të urrejtjes. Opozita kërkon dorëheqjen e tij.
Nga Aleanca për shqiptarët thonë se skandali që shpërtheu këto ditë kujton kohën e VMRO-së dhe BDI-së dhe publikimit të Enciklopedisë maqedonase ku gjithashtu fyefshin shqiptarët si njerëz të egër, të prapambetur dhe të ardhur prej maleve.
Nga Besa e Afrgim Gashit thonë se për këto veprime nuk mjaftojnë kërkim faljet, por duhet të ketë shkarkim, dënim dhe edukim të të gjithë atyre që kultivojnë këso ndjenja raciste kundrejt shqiptarëve.
