Kryetari i Kuvendit të Republikës së Maqedonisë së Veriut, Afrim Gashi, u takua me zëvendësministren e Punëve të Jashtme të Republikës së Greqisë, Aleksandra Papadopolu, me të cilën kanë shkëmbyer mendime për forcimin e bashkëpunimit dhe dialogut ndërmjet të dy vendeve në të gjitha fushat, si dhe për procesin e mëtejshëm të anëtarësimit të vendit në Bashkimin Evropian.
Ai falënderoi Greqinë për mbështetjen e saj në procesin e integrimit evropian të vendit, pas anëtarësimit në NATO, që është rezultat, siç tha, i Marrëveshjes së Prespës.
Zëvendësministrja e MPJ-së greke ka uruar Kryetarin Gashi për zgjedhjen e tij në këtë funksion, duke thënë se Maqedonia e Veriut ka mik të sinqertë Greqinë. Ky, tha Papadopolu, është mesazhi që po juа sjell nga e gjithë lidershipi i Greqisë – se ne jemi miq, fqinjë, aleatë, partnerë në NATO dhe një ditë do të jemi edhe partnerë në BE.
Kryetari Gashi konkludoi se të dy vendet janë në rrugë shumë të mirë në avancimin e marrëdhënieve bilaterale, duke pasur parasysh bashkëpunimin dhe komunikimin intensiv midis qytetarëve, në fushën e ekonomisë dhe turizmit, me potenciale për intensifikimin në infrastrukturën rrugore, energjetikën, arsimin, kulturën dhe në të gjitha fushat e tjera me interes të përbashkët.
Bashkëbiseduesit folën edhe për bashkëpunimin në nivel parlamentar, ku Kryetari Gashi shfaqi interesim për organizimin e vizitave zyrtare dhe njëkohësisht e njoftoi zëvendësministren Papadopolu se në Kuvendin e RMV-së në çdo mandat të ri formohen grupe parlamentare për bashkëpunim ndërmjet të dy vendeve.
Data 27.10.2024
Aktuale
- Mesi asiston, Inter Majami e nis me fitore garën e “play off”-it
- Familja e Michael Schumacher ka shpenzuar deri tani një shumë marramendëse për trajtimin e tij
- E dhimbshme, rriten çmimet e ushqimeve në Gaza, një kilogram sheqer kushton 40 dollarë, më parë kushtonte 1 dollar
- Dafina e Kreshniku e ‘’kallin’’ dasmën, kërcejnë qyqek
- EMRI/ Vritet me armë zjarri 45-vjeçari shqiptar në Milano, u qëllua për vdekje nga i moshuari italian pasi…
- Vijnë në një përmbledhje kumtesat e simpoziumit shkencor ndërkombëtar kushtuar 100-vjetorit të vendosjes së marrëdhënieve diplomatike mes Shqip
- “Fiset që nuk i thyejnë dot idhujt”, analizë therëse e një autori turk, të sjellë në shqip nga Botimet ALSAR
- Komisioni për falje jep dorëheqje kolektive, njoftohet edhe presidentja Siljanovska-Davkova