Në takimin e përbashkët midis qeverive të Shqipërisë dhe Maqedonisë që do të mbahet në Pogradec pala shqiptare do të kërkojë nga pala maqedonase që ta vazhdojë rrugën “Arbëri” edhe në territorin e saj, paralajmëroi kryeministri shqiptare Edi Rama gjatë vizitës së tij të sotme në Peshkopi.
Ndërtimi i Rrugës së Arbrit në gjatësi prej 75 kilometra, zyrtarisht do të fillojë vitin e ardhshëm. Rruga do të kushtojë 33,6 miliardë lekë dhe për 100 kilometra do ta shkurtojë largësinë nga Tirana deri në Dibër.
“Në takimin me kryeministrin e Maqedonisë në tetor, u dakordësuam për të realizuar në Pogradec një mbledhje qeverie, ku do vendosim domosdoshmërinë që edhe pala maqedonase ta kompletojë rrugën në krahun tjetër që përmes Dibrës, porti Durrësit dhe zona të tjera, të mund të aksesohen më shpejt. Do afrojë Dibrën me Tiranën. Është një rrugë shumë më e shkurtër dhe që do zgjidhë një problem kaq të madh”, tha kryeministri shqiptar.
Rruga e Arbrit, potencoi, nuk lidh vetëm një rajon me tjetrin, por është strategjike për zhvillim të ekonomisë, punësimit dhe turizmit.
“Rruga e Arbrit ka për qëllim të krijimit të korridorit ekonomike me Maqedoninë, përmes Dibrës dhe ta bëjë portin në Durrës më qasës”, potencoi Rama.
Punimet për ndërtimin e rrugës së Arbrit pritet të zgjasin 44 muaj.
Data 28.04.2024
Aktuale
- Përplasen opinionistët, Ori Arbrit: Je si plakat e këqija, Ledioni: Mos vallë doni të futeni dhe ju brenda shtëpisë
- A DO TË KETË MAQEDONIA E VERIUT, PËR HERË TË PARË, KRYETAR TË REPUBLIKËS, GRUA?!
- Ali Ahmeti nga Dollneni: Fronti Europian i fortë si çelik, më 8 maj thellojmë fitoren me numrin 4
- “Për Feron edhe isha mbulu, ma ka lon omël” – Serena Sula tregon cili nga VIP’at është më i dobëti në shtrat
- Dafina Zeqiri sjell frymëzim me këngën e re “Ku ma le forcën”
- Sela: Ky është kusht – ose pranoni ndryshimet kushtetuese ose duhet të thoni se nuk jeni për anëtarësim në BE
- Xhensila Myrtezaj rrëzohet në skenë
- VLEN thotë se kishte “tren bullgar në Likovë”, parashtroi ankesë në KSHZ