Kompanitë turke TKI dhe prodhuesit e mobilieve të interesuara për prodhim në Maqedoni

Pas pjesëmarrjes në Panairin Match4Industry Business Matching në
Koxhaeli prej datës 2 e deri më 3 nëntor të këtij viti që e organizon Oda Ekonomike e Maqedonisë (MATTO), kompanitë turke TKI dhe prodhues të mobilieve janë të interesuara për prodhim në Maqedoni që do të eksportoheshin në BE.
Në Shkup, ndërkaq, sot vjen delegacioni nga Kajseri, Turqi, i cili do t’i skenojë klimën e biznesit dhe mundësitë për investime dhe bashkëpunim afarist. Delegacionin e kryeson valiu Sulejman Kampi, ndërsa në të, përveç përfaqësuesve të qytetit, janë edhe biznesmenë nga fusha e turizmit të cilat i promovojnë dhe zhvillojnë turizmin dimëror.
Kajseri është qytet milionësh në Anadolinë e mesme, veçanërisht i njohur nga industria e tekstilit dhe prodhimin e denim – pëlhurës për qepjen e xhinseve edhe atë të brendeve Levis, Vragler, Rajfl dhe Dizel. Në qytet janë zhvilluar edhe bujqësia, prodhimi i mobilieve, industrisë së drurit dhe ushqimit (Ylker është brend më i njjohur), ndërtimtari, transport, turizëm (Kapadokia, turizmi dimëror), ndërsa ekonomia bazon kryesisht në investimet e huaja dhe tregjet globale.
Eksporti i mobilieve nga Kajseri e tejkalon shifrën prej një miliardë dollarë amerikanë në vit. Ky qytet me 1,2 milionë banorë ka 3.500 fabrika ku punojnë 40.000 punëtorë. Kompanitë nga Kakseri, përveç në tregjet perëndimore eksportojnë edhe në tregjet e Lindjes së mesme, Kaukaz, Ballkan dhe Azinë Qendrore.
Delegacioni nga Kajseri është i katërti sivjet që vjen në Maqedoni pas delegacioneve nga Izmiri, Adiamani dhe Konja. MATTO për dhjetor paralajmëron edhe një vizitë, të delegacionit nga Bandirma.