Kjo është deklarata e Zaevit pas takimit me Hahnin

Kryeministri i Maqedonisë Zoran Zaev pas takimit me komisarin për zgjerim të BE-së, Johanes Hahn tha se vendi gjendet në fazën kyçe të realizimit të planit aksionar 3-6-9., i cili, sipas tij, është udhërrëfyes për arritjen e bisedimeve.
Sipas Zaevit, reformat e paraparë me këtë plan, përgjithmonë do ta lirojnë hapësirën mediale nga çfarëdolloj ndikime personale dhe institucionale dhe varësi financiare.
Ai poashtu paralajmëroi përforcimin e servilit radiodifuziv dhe agjencisë së medieve.
“Reforma në gjyqësor duhet të krijoj hapësirë për gjyqësor të pavarur e cila do ta çrrënjos korrupsionin dhe do ta kthej besimin e qytetarëve në gjyqësorin e pavarur. DO të miratohet reforma në gjyqësor me plan aksionar në përputhshmëri me Komisionin Evropian. Kapacitetet e Avokatit të Popullit do të rriten”, tha Zaev, raporton SHENJA.
Në lidhje me politikën e jashtme të vendit, Zaev tha se intensivisht punohet në bisedimet me fqinjët, përfshirë edhe me Greqinë dhe çështjen e emrit.
“Ne do të japim rezultate për shkak se këto reforma janë për të mirën tonë, por pres që këto rezultate të vlerësohen në mënyrë adekuate nga institucionet evropiane”, tha Zaev.