Kasami: Tetova me inkubatorë ekonomikë dhe parqe teknologjike

Kandidati për kryetar komune i Tetovës nga Lëvizja BESA, Bilal Kasami, i cili është edhe kryetari i kësaj partie, para banorëve të Reçicës së Vogël e paraqiti projektin për ndërtimin e shkollës në këtë vend.
Ai theksoi se ka projekte konkrete me të cilat do të përmirësojë jetën e qytetarëve dhe u obligua se përmes parqeve teknologjike dhe inkubatorëve ekonomikë do ta zhvillojë ekonominë e komunës. Inkubatorët ekonomikë, tha ai, nënkuptojnë se ata që kanë ide, veçanërisht rritësit e bletëve, do të vijnë këtu, ndërsa të gjitha procedurat administrative dhe juridike do t’ia mbarojnë njerëzit e angazhuar në komuna. Mjafton që ata të vijnë me idetë e tyre.
Do të kenë zyra të garantuara. Do të kenë procedura të garantuara. Mjafton që ata të vazhdojnë me zhvillimin e biznesit të tyre, sqaroi Kasami duke shtuar se volitshmëritë e tilla do të vazhdojnë për periudhën prej tre viteve me shpresë së më pas bizneset e hapura do të jenë të suksesshme dhe nuk do të kenë nevojë që të përkrahen nga komuna.