Të dhënat e fituara nga raundi i dytë i sondazheve të Agjencisë Ipsos mbi perceptimet e qytetarëve për koronavirus, të bëra nga data 16 deri më datën 20 të këtij muaji tregojnë rritje të shqetësimit të qytetarëve. Numri i atyre që kanë shprehur shqetësim të lartë ose shumë të lartë se një person, ose një anëtar i familjes së tyre, do të infektohet nga koronavirus, u rrit nga 38 për qind në 52 për qind.
“Rritja e numrit të personave të infektuar me koronavirus në vendin tonë e rrit shqetësimin e qytetarëve, kështu që çdo qytetar i dytë i yni është i shqetësuar ose shumë i shqetësuar për shëndetin e tyre dhe shëndetin e të afërmve të tyre. Të dhënat gjithashtu tregojnë se të rinjtë e kanë marrë seriozisht punën, me numrin e shqetësimeve për veten dhe të afërmit e tyre të moshës prej 18-29 vjeç duke u rritur nga 28 për qind në 47 për qind”, theksojnë nga agjencia Ipsos.
Sipas sondazhit, qytetarët besojnë se institucionet kompetente vazhdojnë t’i informojnë me kohë dhe mirë për zhvillimin e përditshëm të situatës, si dhe që ata vazhdojnë të ballafaqohen mirë me situatën që lidhet me koronavirusin.
“Për dallim nga raundi i parë i hulumtimit, kur, sipas të dhënave, qytetarët e perceptuan kërcënimin e koronavirusit më të madh për botën sesa në vend, në raundin e dytë të sondazhit qytetarët tashmë po e shohin se korona nuk është larg në botë, por këtu në vendin tonë, dhe paraqet kërcënim edhe për vendin tonë”, thekson Ipsos.
Sondazhi u zbatua në formë të anketës telefonike, te 500 qytetarë në periudhën prej datës 16 deri më datën 20 të këtij muaji.
