Pasditja e sotme ka sjellë një lajm të rëndë dhe tronditës. Polici Alban Tolaj dyshohet se i ka dhënë fund jetës së tij.
Burimet bëjnë me dije se rrethanat e ngjarjes janë ende të paqarta, ndërsa autoritetet kanë nisur hetimet për të zbardhur plotësisht rastin që dyshohet të jetë vetëvrasje.
Lajmi tragjik ka goditur rëndë edhe figurat publike, por mbi të gjitha familjen e viktimës.
Vajza e tij, Elsa Tolaj – influencuere dhe prezantuese e njohur – ka reaguar me një postim prekës në Instagram, ku ndan një foto nga fëmijëria me të atin, shoqëruar me një dedikim që rrëqeth këdo që e lexon.
> “Babush, shpirti jem, dashnija jeme e parë dhe ma e madhe…
Allahu qoftë i mëshirshëm me ty dhe të shpërbleftë me Xhenet, aty ku s’ka më dhimbje as mërzi, veç paqe e lumturi.
Inshallah një ditë takohemi prapë, aty ku dashnia nuk ka fund.
Të don cika jote e vogël përjetësisht, babush. Nuk je fizikisht këtu, por në zemrën time je çdo sekondë.
Pusho i qetë, shpirti jem…”
Reagimi i saj është shpërndarë me shpejtësi në rrjete sociale dhe ka ngjallur reagime të shumta nga ndjekësit dhe figura publike, të cilët po i shprehin ngushëllime dhe mbështetje.
Ngjarja mbetet në hetim, ndërsa vendi është tronditur nga një tjetër humbje tragjike në radhët e Policisë së Kosovës.
