Shpallja e Joakim Krçovskit “pishtar i parë i Maqedonisë” është akt antihistorik dhe nuk përputhet me të vërtetën”, pohon hisloriani bullgar Plamen Pavlov. Në një intervistë për BGNES, Pavlov tha se vetë Krçovski ka thënë se ka shkruar në gjuhën më të thjeshtë bullgare për të qenë më i kuptueshëm për njerëzit, duke ikur nga të ashtuquajturat, normë e vjetër bullgare. “E gjithë puna e tij dhe e gjithë jeta e tij tregon se ai është arsimtar bullgar. Vetë Manastiri i Osogovës, nga ana tjetër, ka qenë gjithmonë qendra e spirttuaktetit bullgar jo vetëm në rajonin e Kriva Pallankës, por edhe në të gjithë rajonin e Kjustendilit”, tha Pavlov. Sipas tij, ky nuk është rasti i parë i tillë i vjedhjes. Pavlov kujion se para disa vitesh KOM-i e ka shpallur shenjtor murgun Kiril Pejçinoviq, ndërsa tani, sipas tij, e njëjta gjë është edhe me Joakim Krçovskin. Të dy ishin rilindës bullgarë,të ngjashëm me peshkopin Sofronij Vraçanski. Dallimi, shton ai, është se Krçoovski dhe Pejçinovi tejkaluan aterritorin e Maqedonisë së sotme dhe :pushtuan vendet e tjera bullgare në territoret bullgare perëndimore”. Për Pavlovin, kjo është dëshmi se Kisha Ortodokse Maqedonase dominohet nga forca që kundërshtojnë dialogun me Kishën Ortodokse Bullgare dhe veçanërisht me Bullgarinë.
