Ambasadori amerikan në Serbi, Christopher Hill, ka vlerësuar se Kosova dhe Serbia në takimin në Bruksel kanë treguar se janë “shumë seriozë për të ecur përpara”, dhe se çështja e Asociacionit të komunave me shumicë serbe është “më urgjente”.“Mendoj se është më urgjente të zgjidhet çështja e Asociacionit dhe ka disa arsye për këtë, njëra prej tyre është se çështja ekziston për 10 vjet, dhe së dyti, mendoj se nëse fillojmë me të, njerëzit (serbët e Kosovës) do të kthehen në institucione. Ajo që ne po përpiqemi të bëjmë është të qetësojmë të gjithë situatën, sepse është e nevojshme”, ka thënë Hill për agjencinë serbe të lajmeve Beta.Ai ka shtuar se duhet ende shumë punë për të bërë, por pjesa më e rëndësishme e punës është zbatimi i marrëveshjes.Hill gjithashtu ka thënë se të gjithë e kuptojnë se sa e rëndësishme është çështja e negociatave ndërmjet Kosovës dhe Serbisë.“Dhe me rëndësi vjen urgjenca, ato duhet të zgjidhen”, ka thënë ai.Sipas tij, Bashkimi Evropian ka investuar shumë përpjekje për arritjen e një marrëveshjeje që ka rëndësi historike.“Është një nga gjërat më të rëndësishme që po ndodh në Evropë tani dhe nuk mendoj se duam të ecim me ritëm të ngadaltë, por sa më shpejt”, ka theksuar ambasadori Hill
Data 19.03.2024
Aktuale
- Demiri: Spitalet po përballen me mungesë të madhe mjekësh
- Shkuan për të parë Mess-in, por ai nuk luajti, tifozëve iu kthehet gjysma e parave të biletës
- Ali Ahmeti: Nga sot e tutje jemi një trup, BDI e Popull për të jetësuar ëndrrat e të parëve tanë
- Pasi mposhti tumorin për herë të tretë, Adriana Matoshi shfaqet e lumtur krah fëmijëve
- Lëndohet rëndë i mituri në Dobrosht
- LSDM-ja të shtunën në Kongres do të vendos për bartësit e listave dhe kandidatët për deputetë
- Bujar Osmani: Do të inciojë formimin e një bordi ndërkombëtar i cili do t’i ceritifkojë bartësit e funksioneve publike
- Blerja e helikopterëve për ARM-në në shënjestër të Antikorrupsionit