Departamenti i zjarrfikësve të Greqisë njoftoi se edhe dy persona janë paraqitur si të zhdukur pas përmbytjeve vdekjeprurëse në paralagjen perëndimore të Athinës, ku deri tani është konfirmuar vdekja e 16 personave, transmeton Anadolu Agency (AA).
Nga Departamenti të premten theksuan se deri tani kërkojnë gjithsej gjashtë persona që llogariten si të zhdukur dhe të gjithë në paralagjen Mandra në Athinë.
Përmbytjet e papritura që ndodhën të mërkurën pas një stuhie të natës, shndërruan rrugët në prurje balte që bartnin automobilat, vërshonin shtëpitë dhe shumë biznese, si dhe duke përfshirë nga uji një pjesë të autostradës kryesore.
Përmbytjet janë një nga katastrofat më të kqija që kanë goditur Athinën gjatë disa dekadave të fundit. Moti i ligë me shi dhe stuhi pritet edhe të premten.
