LSDM edhe sot kërkoi përgjegjësi nga ministri i Vetqeverisjes Lokale Ivan Stoillkoviq dhe drejtori Agjencisë për Realizimin e të Drejtave të Komuniteteve Dalibor Kitanoviq, të cilët glorifikuan figurën e kriminelit të denuar Ratko Mlladiç. Keti Shterjova nga kjo parti thotë se në reagimin e djeshëm të Qeverisë, kryeministri Mickoski nuk e përmend Stoilkoviqin, nuk e thërret atë në përgjegjësi, kurse Kitanoviqit i lë hapësirë për të tërhequr qëndrimin e tij të shprehur publikisht ndaj Ratko Mlladiqit ose për të dhënë dorëheqjen, në vend që siç shton dy zyrtarët e Qeverisë të përgjigjen penalisht sipas nenit 407 të Kodit Penal për “Miratimin ose justifikimin e gjenocidit, krimeve kundër njerëzimit ose krimeve të luftës”.
“Nuk ka vend këtu për vendimmarrjen e tij apo interpretim të ndryshëm. Njerëz si Stoilkoviq dhe Kitanoviq me pikëpamje të tilla nuk duhet dhe nuk duhet të mbajnë asnjë post publik në Qeveri. A është Mickoski dakord me ministrin e tij Ivan Stoilkoviq? A është Ratko Mladiq edhe gjenerali i tij? Nëse Mickoski nuk pajtohet me Stoilkoviq dhe Kitanoviq, atëherë le t’i dënojë pikëpamjet e tyre dhe t’i shkarkoj”.
