Furnizonte Gjermaninë me drogë, kush është “kapoja” shqiptar që ka ngritur në këmbë Europolin

Furnizonte Gjermaninë me drogë, kush është “kapoja” shqiptar që ka ngritur në këmbë Europolin

Policia Kriminale Shtetërore e Baden-Wurrtemberg ka shpallur në kërkim ndërkombëtar 44 vjeçarin shqiptar, Berti Dedja.

Sipas Europol, Dedja është futur në listën e më të kërkuarve të Evropës, pasi akuzohet si “ koka” e një grupi kriminal i cili merrej me tregtimin e drogave të rënda.

Dedja i njohur si  “Berti” dhe “Schakal” është zyrtarisht në kërkim ndërkombëtar dhe hetuesit kanë dyshime se ai mund të jetë fshehur në Belgjikë, Holandë, Itali ose Shqipëri.

Për transportin e drogës Berti Dedja ka përdorur mjete të enkas për këtë qëllim.  Ai akuzohet se që nga viti 2016 ka ushtruar një tregti profesionale droge të kokainës dhe marijuanës, me pjesëmarrjen e personave të tjerë.Prej vitit 2018 ai qëndron i fshehur, ndërkohë Prokuroria publike është përgjegjëse kryesore për hetimin e çështjes Dedja.

Ndër të tjera, 44-vjeçari akuzohet për transport dhe shitje droge në rrethin Ostalb, siç bëri të ditur prokurori publik përgjegjës i pyetur nga TAGBLATT.