Ndryshimet e Ligjit për tatim personal të fitimit në mënyrë negative
do të reflektojnë mbi bujqit, ndërsa një pjesë e zgjidhjeve të parapara posaçërisht do të godasin prodhuesit më të vegjël dhe më të varfër, konsideron Federata kombëtare e fermerëve (FKF).
Ndryshimet, reagon FKF, janë bërë shumë shpejtë, pa debat publik, transparent dhe pa u informuar dhe konsultuar palët e involvuara, duke përfshirë edhe shoqatat e bujqve.
“Mund të bëheshin ndryshime bashkërisht të cilat do të jenë në interes të të gjithëve. Janë shumë të rëndësishëm bashkëpunimi, ekzistimi i dialogut dhe debatit publik të cilat për këto ndryshime ligjore mungonin”, njofton Federata në kumtesën e sotme.
Sipas FKF-së, pagesa e tatimit nga ana e blerësve në emër të bujqve hap hapësirë për manipulime gjatë përllogaritjes së çmimit blerës të prodhimeve bujqësore i cili edhe tani është më i ulët nga ai prodhues, si dhe hapësirë për zhvillim të ekonomisë ilegale.
