Filmi artistik me metrazh të gjatë “Golden Five” e Goran Trençovskit
ka hyrë në selektimin zyrtar të edicionit të 36-të të Festivalit internacional të filmit në Nju-Xhersi nga gjithsej 367 filma të paraqitur nga tërë bota.
Premiera amerikane, filmin do ta ketë më 22 shtator, ndërsa në ftesë të organizatorit, regjisori Trençovski do të realizojë takim me studentë dhe profesorë të Universitetit “Ratgers” në NjuBransuik, ndërsa producenti Dejan Milloshevski do të negociojë me shpërndarës potencialë të filmit
për SHBA-në.
Më 8 shtator, filmi do të shfaqet në Festivalin qendror- evropian të filmit në Temishvar, Rumani, më 19 shtator në Festivalin e regjisë së filmit në Leskovac, ndërsa janë konfirmuar edhe selektimet e festivaleve në Poloni, Çeki dhe Rusi.
Filmi “Pesëshja e artë” deri më tani është selektuar në rreth 20-të festivale të filmit, ka fituar pesë çmime internacionale dhe është filmi më i shikuar në Maqedoni në sezonin e fundit.
