“Ekskluzive’ Në Top Channel: Zgjedhjet në shtetin e rrëmujës

Televizioni më i shikuar shqiptar Top Channel vjen sonte me një emision ekskluziv mbi zgjedhjet në Maqedoni. Liderët e partive relevante në Maqedoni dhe analistë e gazetarë flasin për skenarët e mundshme paszgjedhore dhe fatin e këtij vendi të vogël të Ballkanit.
Këtë herë duket se nuk do të ketë anulim loje. Maqedonia po përmbyll fushatën për zgjedhjet parlamentare që nuk i mban dot prej kohësh, pasi është mbërthyer nga kriza të njëpasnjëshme. Partitë maqedonase dhe ato shqiptare po kërkojnë votën, por a do të dorëzohet këtë herë Gruevski, që qeveris prej 10 vitesh? A do të jenë këto votime që do të sjellin zgjidhje për krizën e brendshme, por edhe atë të jashtme, me çështjen e emrit që mban peng integrimin në NATO dhe BE?
Të gjitha këto përgjigje i mësoni sonte në 20:05 në “Exclusive”, me gazetarin Idro Seferi.