E ardhmja e punëtorëve në Jugohrom do të zgjidhet nga qeveria e re

Është i paqartë fati i të punësuarve në Jugohrom në janar. Sindikata dhe drejtuesit javën e ardhshme do të nisin bisedime për gjetjen e zgjidhjes më të përshtatshme.
Po pritet edhe vendimi i Komisionit të shkallës së dytë për ankesa tek e cila gjendet ankesa e kompanisë ndaj vendimit të Inspektoratit shtetëror për ambient jetësor për mbylljen e saj. Njashtu pritet edhe formimi i qeverisë së re e cila do të duhet të vendos nëse Jugohrom do të mund të llogaris në vazhdimin e afatit për instalimin e mjeteve për mbrojtjen e ambientit jetësor.
Drejtori i kompanisë, Vasko Skenderovski deklaroi se janë të përgatitur që të bisedojnë me sindikatën.
“ Mundësitë financiare të kombinatit nuk janë shkëlqyese, por duhet që të mendojmë edhe për situatën sociale të punësuarve. Shpresoj se do të gjejmë zgjidhjen më optimale për të punësuarit në janar, por gjendja e këtillë nuk mund të zgjas edhe në muajt e ardhshëm”, deklaroi Skenderovski.