Prokurori Publik nga Prokuroria Themelore Publike -Gostivar ngriti aktakuzë kundër dy personave, shtetas të Republikës së Shqipërisë, për vepër penale – Prodhim dhe shpërndarje e paautorizuar e barnave narkotike, substancave psikotrope dhe pararendësve sipas nenit 215 paragrafi 1 në lidhje me nenin 22 të Kodit Penal. Përveç kësaj, njëri i pandehur akuzohet edhe për vepër penale – Sulm ndaj një zyrtari gjatë kryerjes së detyrave të sigurisë sipas nenit 383 paragrafi 2 në lidhje me paragrafin 1 të Kodit Penal, kumtoi Prokuroria Publike.
Të dy bashkëpunëtorët e akuzuar, të moshës 21 dhe 19 vjeç, në fillim të nëntorit të vitit 2020 në Republikën e Shqipërisë u furnizuan me lëndën narkotike marijuanë dhe e sollën atë në vend me synimin e rishitjes së saj. Drogën e kishin fshehur në park vozitjen e lartë në rrugën “Boge Veljanoski” në Gostivar. Më 6 nëntor, nëpunësit e autorizuar të policisë i vërejtën të pandehurit në momentin kur nxorën çantë nga vendi ku e kishin fshehur drogën. Policët u përpoqën t’u bënin ekzaminim personal, por dy të pandehurit rezistuan në mënyrë aktive dhe u arratisën. Gjatë përpjekjes për të ikur, një nga të pandehurit me grusht e goditi në fytyrë inspektorin e policisë, duke i shkaktuar lëndime trupore. Nga ana tjetër, i pandehuri i dytë, të nesërmen u paraqit vetë në stacionin policor në Gostivar.
Duke vlerësuar se akoma ekzistojnë mundësitë – rrezik nga arratisja, mundësia e ndikimit në dëshmitarë dhe mundësia e përsëritjes së krimit, prokurori publik kompetent për dy të pandehurit propozoi që masa e paraburgimit e caktuar më parë të zgjatet, qëndron në kumtesë.
