Kushtetuta nuk mbrohet duke u shkelur, ndërsa pikërisht këtë po e bën presidenti i shtetit Gjorge Ivanov. Kështu tha në Kuvend, ministri i Punëve të Jashtme Nikolla Dimitrov, në fjalimin e tij, para rafitikimit për të dytën herë të Marrëveshjes me Greqinë.
“Ju siguroj se as unë, e as Zaevi nuk pranojmë kërcënimin e identitetit të kombit. Me marrëveshjen do të kemi shtypje të dokumenteve në gjuhën maqedonase me përkthim në maqedonisht”, tha Dimitrov.
Për akuzat se Qeveria nuk nënshkruan Marrëveshje ndërkombëtare, por se këtë duhet ta bëj kryetari i shtetit, Dimitrov ka cituar Kushtetutën dhe tha: “Nga gjithsej 897 marrëveshje që deri tani janë ratifikuar në Kuvend, nga presidenti vetëm janë dekretuar”, ka thënë Dimitrov.
