Zbardhen detaje të reja nga aksioni në Ministrinë e Brendshme. Gazetarja Klodiana Lala raporton për “BalkanWeb” se deri më tani janë arrestuar tetë persona, ndërsa një është në “arrest shtëpie”.
Mes të dyshuarve është edhe drejtoresha e blerjeve të përqendruara, Edlira Naqellari. Siç raporton gazetarja Lala, bëhet fjalë për tenderin e uniformave që kap vlerën e 25 milionë eurove.
Deri më tani policia ka ushtruar kontrolle në banesat e shtetasve Edlira Naqellari, Kreshnik Bejkaj, Ani Omuri, Klevis Hasani, Anisa Bogdani, Flutura Çekrezi, Fatmir Demneri, Gëzim Mingaj dhe Mariglen Buzali.
