Deputetët e VMRO-DPMNE-së dorëzuan interpelancë për ministrin Duraku

VMRO DPMNE dorëzoi interpelancë për ministrin e ekologjisë Sadulla Duraku. Siç thonë nga kjo parti, Sadulla Duraku ka lënë anash shumë probleme ekologjike dhe nuk mund të mbajë postin e ministrit pasi nuk është mjaftueshëm i aftë. Ka lënë anash deponinë e rrezikshme të Strugës, Tetovës, dhe shumë katastrofave ekologjike.
Për deponinë e Tetovës VMRO thotë se po i helmon tetovarët dhe shkaktoi daljen e Lumit Shkumbim nga shtrati dhe kjo është një katastrofë. Deponia ilegale në Kumanovë poashtu kërcënon shëndetin e Kumanovarëve. Duraku ndan para për aktivitete partiake, paratë i ka hequr nga projekti për rehabilitimin e fëmijëve nga disa vende. E këtë veprim e ka quajtur shkurtim nga luksi.
“Kërkojmë shkarkimin e Sadulla Durakut dhe vendosjen e një njeriu kompetent në vendin e tij”, tha Liljana Zaturovska nga VMRO DPME. Kjo është interpelanca e pestë me radhë që dorëzon VMRO brenda kësaj jave në kuvend. VMRO ka paralajmëruar se do të dorëzoje edhe dy interpelanca për punën e dy ministrave të tjerë.