Një xhaketë e ushtrisë me emblemë serbe, një pushkë gjuetie, katër fishekë, një radio lidhje dhe shtatë xhaketa të tjera të ushtrisë u gjetën në shtëpinë e personit që dyshohet se sulmoi Policinë e Kosovës dhe KFOR-in në Leposaviq.I dyshuari në orët e para të ditës së djeshme, më 06.05.2024 në 04:05h, në fshatin Miokovice në Leposaviq kishte bllokuar rrugën duke vendosur një veturë pa targa.Në momentin që kjo veturë ishte vërejtur nga ana e Policisë, i dyshuari me shishe qelqi kishte gjuajtur në drejtim të veturës së PK-së e të misionit të NATO-s në Kosovë, KFOR.Pas këtij veprimi, i dyshuari kishte ikur nga vendi i ngjarjes teksa më vonë ishte arrestuar nga ana e zyrtarëve të Policisë.Policia më pas kishte sekuestruar veturën, e po ashtu pas kontrollit në shtëpinë e të arrestuarit janë konfiskuar edhe arma, radio lidhja e xhaketat e ushtrisë.Policia ka njoftuar se i dyshuari pas intervistimit është liruar në procedurë të rregullt ndërsa rasti është iniciuar si “Sulm ndaj personit zyrtarë” dhe “Armëmbajtje pa leje”.
