Për momentin ministria ka konfirmuar se në shpërthimin e zjarrit që ka ndodhur në Tetovë jetën e kanë humbur 10 persona, por ata shtojnë se numri mund të rritet. Nga Ministria e Shëndetësisë kanë apeluar nga mediat që mos të spekulohet me numrin e viktimave. “Të gjitha informacionet do t’i japim me kohë” kanë thënë nga Ministria e Shëndetësisë.
Author: Rilinda
Presidenti Ilir Meta ka reaguar për zjarrin e madh në Spitalin e Tetovës, ku raportohet se ka edhe viktima. Meta shprehet se tragjedia është e rëndë, duke shtuar se mendimet dhe lutjet e tij janë për Tetovën. Postimi i presidentit Ilir Meta: “Me shqetësim dhe trishtim të thellë po përcjell tragjedinë e ndodhur në spitalin e Tetovës. Një ngjarje tepër e rëndë dhe tronditëse, veçanërisht për numrin e viktimave të raportuara! Shpreh ngushëllimet më të ndjera për jetët e humbura dhe ndaj dhembjen e madhe me familjarët e tyre. Ju uroj shërimin sa më parë të lënduarve! Shpreh solidaritetin e…
Për tragjedinë në Tetovë, ku u djeg spitali mobil i Covidit ku ishin të shtrirë pacientë, është shprehur edhe kryetari i Aleancës për Shqiptarët. Ka shkruar: Lutemi për ty Tetovë! https://www.facebook.com/plugins/post.php?href=https%3A%2F%2Fwww.facebook.com%2FZiadinS%2Fposts%2F2379838535480272&show_text=true&width=500
Kreu i VMRO-DPMNE-së, Hristijan Mickoski nëpërmjet rrjeteve sociale, ka njoftuar se VMRO-DPMNE është në dispozicion për të ndihmuar në tejkalimin e situatës në Tetovë. https://www.facebook.com/MickoskiHristijan/posts/1955707631271353
Kryeministri i Kosovës, Albin Kurti, ka zhvilluar një bisedë telefonike me kryetaren e komunës së Tetovës, Teuta Arifi, pas rastit tragjik që ka ndodhur në spitalin e Tetovës, ku raportohet për disa persona të vdekur. Siç njofton zyra e Kryeministrit, eksplodimi në spital, ka marrë jetën e shumë pacientëve. “Kryeministri i Republikës së Kosovës, Albin Kurti porsa zhvilloi sonte një bisedë telefonike me Kryetaren e Komunës së Tetovës, Teuta Arifi, për ngjarjen e rëndë në një spital modular atje. Eksplodimi i fuqishëm duket që ka marrë shumë jetë njerëzish, kryesisht pacientë. Kurti i shprehu ngushëllime Kryetares Arifi për këtë tragjedi…
Ministria e Shëndetësisë ka njoftuar se të lënduarit nga zjarri që kaploi spitalin mobil të Covidit në Tetovë, me urgjencë janë duke u dërguar në Shkup. “Zjarri tashmë është lokalizuar dhe të gjitha ekipet nga spitali janë mobilizuar që të ofrojnë ndihmë për të lënduarit. Ata urgjentisht transportohen në Shkup që t’u ofrohet kujdes adekuat, ekipet e Klinikës po mobilizohen. Ministri i Shëndetësisë, Venko Filipçe është në Tetovë. Pas ekspertizës në terren do të njoftojë publikun për gjendjen faktike”, thanë nga MSh-ja.
Zv/komandimi i zjarrfikësve në Tetovë ka deklaruar se në orën 21:02 minuta është denoncuar se ka shpërthyer zjarr në spitalin modular në Tetovë. “Ekipet për 3-4 minuta kanë arritur në vendin e ngjarjes me rreth shtatë makina dhe mbi 30 zjarrfikës . Kur kanë arritur ekipet i tërë vendi ka qenë i përfshirë nga zjarri edhe brenda edhe jashtë, gjithçka që është nga ana jonë është përdorur, në orën 21:300 është lokalizuar zjarri, në orën 21:45 është likuiduar totalisht”, ka deklaruar zv/komandiri i zjarrfikësve. Ai theksoi se ka pasur edhe viktima. “Përderisa po shuhej zjarri, flakat ishin të mëdha, sepse spitali…
Ministri i Shëndetësi, Venko Filipçe ka arritur në Tetovë pas shpërthimit të zjarrit në Qendrën Covid. “Një incident i tmerrshëm ka ndodhur në Tetovë ku ka viktima në zjarrin që shpërtheu në qendrën Kovid. Për momentin po përcaktohet numri i saktë i njerëzve që humbën jetën, të plagosurit dhe gjendja e tyre, theksoi Filipce. Ekipet e zjarrfiksave kanë vënë në kontroll zjarrin.
Informatat nga vendi i ngjarjes thonë se në Spitalin Modular që sonte u kaplua nga zjarri kanë qenë të vendosur 24 pacient me covid të cilët ishin në trajtim me oksigjen. Kuptohet se kur ka nisuar zjarri ka pasur edhe staf mjekësor në këtë spital. Ende nuk dihet sa prej këtyre pacientëve kanë arritur të shpëtojn nga zjarri.
Në spitalin modular të Tetovës ku pak çaste më parë ka shpërthyer një zjarr i fuqishëm, vazhdojnë të nxirren ende viktima. Ndërsa në vendin e ngjarjes përveç ekipeve të zjarrëfikësve në vendin e ngjarjes ka edhe turma të shumta të qytetarëve të cilët kanë ardhur të kontrollojnë familjarët e tyre.
Zëvendësministri i Shëndetësisë, Ilir Hasani është nisur drejt Tetovës, pasi shpërthyejnë flakët në qendrën Covid. Më herë ardhjen në Tetovë e kumtoi edhe ministri i shëndetësisë, Venko Filipçe. “Për momentin po shkoj drejt Tetovës ku, për fat të keq, ka zjarr në qendrën Kovid. Menjëherë pas inspektimit të situatës, ne do të ndajmë informacionin zyrtar në lidhje me atë që saktësisht po ndodh. “Unë apeloj për qetësi ndërsa presim detajet e incendentit” shkroi Filipçe në Twitter.
Televisioni Alsta raporton se nga shpërthimi në spitalin modular të Tetovës kanë humbur jetën 8 deri në 9 pacient. Në çdo moment pritet deklarata nga autoritetet për bilancin e viktimave.
