SHKUP (AA) – Ambasada e Turqisë ka ngritur padi në Prokurorinë kompetente ndaj personit E. A., i cili posedon edhe shtetësinë e Maqedonisë, për fyerje ndaj Turqisë dhe presidentit Recep Tayyip Erdoğan, raporton Anadolu Agency (AA).
Në deklaratën me shkrim nga Ambasadë e Turqisë në Shkup thuhet se “Personi E. A. i cili posedon shtetësinë e Maqedonisë dhe Turqisë, në llogarinë e tij në median sociale ka përdorur shprehje që dëmton reputacionin e Turqisë dhe presidentit Erdoğan”.
Në deklaratë thuhet se ndaj personit në fjalë është ngritur padi për përdorim fjalësh “përqeshëse”, “fyese” dhe “të papërshtatshme” ndaj Turqisë dhe presidentit Erdoğan.
“Duke i marrë parasysh edhe marrëdhëniet e afërta dypalëshe mes Maqedonisë dhe Turqisë, i propozojmë Prokurorisë kompetente të dënohet i dyshuari ndaj të cilit është ngritur padia”, thuhet më tej në deklaratë.
Ndërkaq, ambasadorja e Turqisë në Shkup Tülin Erkal Kara në deklaratën e saj në lidhje me këtë çështje tha: “Prokurorët e nderuar të shtetit mik dhe vëllazëror, Maqedonisë, njëlloj sikur për vendin e tyre, edhe ndaj fyesve të udhëheqësve të shtetit tonë kanë hapur proces gjyqësor pas ankesës sonë”.
Kara theksoi se avokatët e ambasadës do ta ndjekin nga afër procesin gjyqësor. “Jemi të bindur se personi në fjalë do ta marrë dënimin e merituar. Njoftimi në lidhje me këtë proces bëhet me qëllim që tani e tutje t’i paralajmërojmë autorët potencialë të këtij lloji të paturpësive”, u shpreh më tej ambasadorja Kara.
Data 18.09.2025
Aktuale
- Konsumoi bashkë me të motrat karamele me përmbajtje hashashi pranë një koshi mbeturinash, intubohet 3-vjeçarja! Ja si është gjendja e dy vajzave të tjera
- Katër persona dhe një kompani nën hetim për zjarrin në Trubarevë, kërkohet paraburgim për të dyshuarin kryesor
- “Po s’pati media, je në diktaturë!”- Vetting sjell reagimet nga gjithë Shqipëria: Goditja e ndaj News24 na solli gjendje ankthi! Ish-shefi i FNSH: Qytetarët s’kanë me besim tek Policia
- Nikolloski: Po punojmë për infrastrukturë çikliste nëpër komuna
- Mickoski: Kemi mbi 20 padi për funksionarë të BDI-së, ata janë në liri sepse për këtë vendos gjykata dhe prokuroria
- BIRN: Shtatë zyrtarë nën akuzë për kolaudimin e makinave me defekt
- Në dy komunat e Maqedonisë së Veriut ka më shumë votues sesa banorë
- Andonovski: Nuk guxojmë të lejojmë që IA të tejkalojë aftësitë tona për manaxhim, duhet të formohet kuadër ligjor