Bashkimi Demokratik për Integrim ka vazhduar sonte takimet me qytetarët. Nga Kërçova, kreu i kësaj partie, Ali Ahmeti, i ka kërkuar kryeministrit Hritijan Mickoski, që t’i bëj pyetje faktorit ndërkombëtar përse ata janë të shqetësuar.
“Po e pyes publikisht zotëri Hristijan Mickoskin: ‘Pse është i shqetësuar komuniteti ndërkombëtar?’. Duhet ta pyes ai komunitetin ndërkombëtar. Pse është i shqetësuar?! Sepse komuniteti ndërkombëtar që ka emër dhe mbiemër quhet Bashkimi Europian, Shtetet e Bashkuara të Amerikës dhe NATO. Ata janë garantues të Marrëveshjes së Ohrit, për këtë arsye komuniteti ndërkombëtar është i shqetësuar. Sepse po rrezikohet një dokument historik që ata kanë qenë lexues dhe garantues të atij dokumenti sepse kanë hedhur firmën në emër të Amerikës”, ka deklaruar Ahmeti nga Kërçova.
