Gjatë ditës së djeshme, portali “Fol” i afërt me partinë Aleanca për shqiptarët ka publikuar një anketë kinse të realizuar nga Agjencia Rejting për matjen e rejtingut të partive politike maqedonase dhe shqiptare.
Sipas anketës së shpikur të portalit “Fol”, Aleanca për shqiptarët te kampi politik shqiptar del subjekti i parë politik, ndërsa te kampi politik maqedonas VMRO-DPMNE prin para LSDM-së në pushtet.
Në portale të ndryshme u shpërnda kjo anketë duke u përmendur se shifrat janë të paverifikuara.
Gjatë ditës së sotme erdhi menjëherë demanti nga Agjencia Rejting që e përgënjeshtron portalin “Fol” dhe të gjitha portalet tjera në lidhje me anketën e shpikur, si dhe kërkon që teksti të fshihet:
Agjencia Rejting demanton se hulumtimi të cilën e publikoi portali Fol.mk, dhe pastaj e ndan edhe të tjerat është realizuar nga ana e Agjecionit.
https://fol.mk/anketa-me-e-re-per-here-te-pare-aleanca-ne-epersi-ndaj-bdi-se/
Hulumtimet të cilat Rejting i publikon në opinion gjithmonë bëhen me kërkesë të ndonjë medie dhe të njëjtat publikohen vetëm për nevojat e atij porositësi. Agjencia nuk disponon me të dhëna të këtilla dhe në tërësi i demantojmë numrat dhe analizat të cilat janë publikuar në emër tonë. Kërkojmë që Fol.mk urgjentisht ta tërheq tekstin dhe të gjithë mediet tjera të cilat e kanë transmetuar dhe në tërësi ta publikojnë këtë demant./Almakos/
