Kryetari i Shoqatës së Gazetarëve të Maqedonisë (SHGM), Naser Selmani akuzon qeverinë se dëshiron të legjitimojë etikën gazetareske dhe me këtë sipas tij, të zbatojë cenzurë në media, raporton Almakos.
“Thoni se mbështesni vetërregullimin në media, por me nenin 61 dëshironi të legjitimoni etikën gazetareske, me dënime deri 5 mijë euro për mediume dhe 1500 për persona përgjegjës dhe kjo është realizim i cenzurës. Tjetër, nuk ju pengoi që në vitin 2016 të mbështesni 1 për qindshin nga buxheti për servisin publik, ndërsa tani parashihni 0.7 për qind”, tha Selmani në debatin për reforma në media.
Ai shtoi se shteti i lë gazetarët kualitativ të punojnë jashtë institucioneve përkatëse, të mediave. Poashtu bëri thirrje që oraganizatat që merren me këtë veprimtari të japin përkrahje në funksionimin e mediave.
Në debat më shumë kritika u drejtuan për detyrimin ligjor që mediat të emetojnë 50 për qind muzikë maqedonase, ndërsa përfaqësuesit e mediave private mbështetën propozimin për largimin e këtij detyrimi me nenin 92.
Nga qeveria thonë se ky nuk është versioni final i ligjit dhe ka akoma mundësi për propozime dhe vërejtje.
D.K
Almakos.com
