Analisti politik Qenan Aliu tha se merita e për zgjedhjen e kryetarit të parlamentit shqiptarë i takon gjithë shqiptarëve dhe jo BDI-së.
“BDI mund të zgjidhet kreyparlamentarin edhe më parë, por nuk ka qenë pikë interesi i tyre, por ka qenë interes diçka tjetër. Megjithatë votuesit shqiptarë që sanksionuan me votën e tyre BDI-në bënë që partitë të hapin sytë e tyre. Nuk duhet askush të habitet që BDI, në zgjedhjet e ardhshme të përgjysmohet edhe njëherë, nga 80 mijë në 40 mijë”, tha analisti politik Qenan Aliu në emisionin “Arena”.
Ai tha se kryeparlamentari është zgjedhur me tre votat e Aleancës, ndërsa shtoi se BESA ka pasur qëndrimin e saj partiak për ta mos votuar Talatin, ndërsa ky qëndrimi sipas tij është legjitim.
“BESA në mënyrë dinjitoze mori pjesë në Kuvend, por qëndrimi i tyre është që të mos votohet. Por edhe BESA është pjesë e kësaj shumice parlamentare, ngase ka dhënë nënshkrimet e saj. BESA dhe Aleanca për shqiptarët janë PUKI për deshifrimin e çdo devijimi të BDI-së”, tha më tej Aliu. /SHENJA/
