Liderët nga vendet përgjatë së ashtuquajturës ”rruga ballkanike” e migrantëve do të mblidhen sot në Vjenë për të diskutuar mbi mënyrat sesi të mbrojnë më mirë kuÞjtë e jashtëm të BE-së. Kancelari austriak, Christian Kern ka ftuar gjithashtu kryeministrin grek, Aleksis Cipras dhe kancelaren gjermane, Angela Merkel që përfaqësojnë dy pikat kryesore të hyrjes dhe të destinacionit evropian për refugjatët dhe migrantët. Përveç kësaj, kancelari austriak i socialdemokrateve kërkon të rrisë ndihmën për refugjatët dhe migrantët në rajonet e tyre të origjinës.
“Asnjë nuk mund të jetë i kënaqur me shpejtësinë apo progresin me të cilën këto çështje po trajtohen”, tha Kern para bisedimeve.
“Samiti mendohet të jetë një hap në drejtimin e duhur dhe të ndihmojë në krijimin e presionit për të gjetur sa më shpejt zgjidhje të përbashkëta për këto çështje”, shtoi ai. Shkurtin e kaluar, në takimin e po këtij formati, organizuar sërish nëVjenë, liderët e Ballkanit dhe Austria vendosën të mbyllin të ashtuquajturën ”rruga ballkanike”. Greqia dhe Gjermania, që nuk morën pjesë në takim, shprehën hapur pakënaqësinë e tyre. Athina i la migrantët në mëshirë të fatit në kufirin verior të Greqisë, ndërkohë që Berlini paralajmëroi se mbyllja e kufijve nuk ishte përgjigjja për krizën e migrantëve. Sidoqoftë, hapat e ndërmarrë nga vendet e Ballkanit çuan në reduktimin e migrantëve. Politikat e ashpra të Hungarisë kufizuan ndjeshëm mbërritjet e migrantëve në Evropën
Perëndimore. Përveç Austrisë, Gjermanisë dhe Turqisë, takimi i Vjenës përfshin edhe përfaqësuesit nga Maqedonia, Serbia, Shqipëria, Kroacia, Sllovenia, Bullgaria, Rumania dhe Hungaria. Në takim do të jetë i pranishëm edhe eurokomisioneri për Migrimin, Dhimitris Avramopulos.
Data 28.04.2024
Aktuale
- Bytyqi nga Buteli: Rezultati është zero-zero dhe më 8 maj për fituesin do të vendosim bashkë
- Publikohet momenti kur qëllohet për vdekje influencierja e njohur
- Kur të gjithë prisnin lajmin se Kiara ka lindur, Luizi befason me veprimin e fundit
- Tuchel kërkohet nga dy klube të Premierligës
- Nga nesër fillon pushimi pranveror për nxënësit në Maqedoni
- Motrës së Beartit nuk i dallohen sytë nga deti
- Në Shkup sanksionohen 142 vozitës, 52 për tejkalim të shpejtësisë
- Përplasen opinionistët, Ori Arbrit: Je si plakat e këqija, Ledioni: Mos vallë doni të futeni dhe ju brenda shtëpisë