Universiteti Ndërkombëtar Ballkanik (IBU) në bashkëpunim me Qendrën Kërkimore Ballkanike (Balkan Research Center) do të organizojë një ngjarje përkujtimore kushtuar 100-vjetorit të lindjes së Presidentit Alija Izetbegović, një prej figurave më të rëndësishme të historisë moderne të Bosnjë e Hercegovinës dhe rajonit.
Aktiviteti do të mbahet të enjten, më 6 nëntor 2025, në orën 11:00, në Sallën e Konferencave të Rektoratit të Universitetit Ndërkombëtar Ballkanik në Shkup.
Në këtë ngjarje do të marrin pjesë personalitete të njohura akademike e publike, përfshirë Prof. Sabina Izetbegović, e ftuar nderi; Prof. Faris Nanić, ish-shef kabineti dhe bashkëpunëtor i afërt i Presidentit Izetbegović; si dhe akademiku Ferid Muhic. Përmes këtij aktiviteti, IBU synon të nderojë jetën, vizionin dhe trashëgiminë e Presidentit Izetbegović, duke reflektuar mbi ndikimin e tij në ndërtimin e paqes, dialogut dhe identitetit politik në rajon.
