Një ngjarje tragjike ka ndodhur në Shkup, ku një i ri 23-vjeçar ka humbur jetën pas një aksidenti në një objekt në ndërtim. Ngjarja ka ndodhur më 12 dhjetor 2024, në rajonin e Bit Pazarit, kur i riu kishte shkuar për të çuar ushqim babait të tij, i cili po punonte në ndërtimin e objektit. Sipas Ministrisë së Punëve të Brendshme (MPB), i riu ka rënë nga objekti dhe ka marrë lëndime të rënda trupore. Ai është dërguar menjëherë në Spitalin e Përgjithshëm të Qytetit “Shën Naumi i Ohri”, por, fatkeqësisht, ka ndërruar jetë rreth orës 20:20.
“Me datë 12.12.2024, në ora 10:50, SPB-Shkup është njoftuar nga spitali për vdekjen e M.O. (23) nga Shkupi, i cili kishte pësuar lëndime të rënda pasi ra nga objekti në ndërtim”, tha MPB. Trupi i të ndjerit është dërguar për obduksion, ndërkohë që Inspektorati i Punës dhe Prokuroria janë njoftuar për ngjarjen. Hetimet për rrethanat e aksidentit janë në vazhdim.
