Zmijanac: Për 25 vjet, 21 mijë akuza për shkelje të të drejtave të fëmijëve

Kryetari i Ambasadës së parë të fëmijëve në botë “Megjashi”, Dragi Zmijanac, tha se  gjatë 25 viteve sa punon kjo organizatë,  ka pasur 21 mijë akuza për shkelje të të drejtave të fëmijëve. Ai theksoi se në këto 25 vite Megjashi është rritur në nivel botëror dhe është e njohur si ambasadë për mbrojtjen e të drejtave të fëmijëve.“Sipas të dhënave, në ambasadën tonë deri më tani ka pasur 21 mijë akuza për shkelje të të drejtave të fëmijëve. Fatkeqësisht, pothuajse të gjitha akuzat janë nga ana e personave më të rritur, sepse fëmijët ende nuk kanë guxim të paraqiten dhe të raportojnë shkelje të të drejtave të tyre. Problemi me të cilin fëmijët më shpesh përballen është varfëria, si pasojë e së cilës pastaj fëmijët janë edhe viktimë e trafikimit të njerëzve apo organeve. Arsyeja e dytë janë pasojat e fëmijëve pas ndarjes, ndërsa pastaj vijnë dhuna familjare, pedofilia dhe përfshirja në sistemin arsimor”, tha ai.  Megjashi sot shënoi 25 vjetorin e themelimit.