Tridhjetë vjeçari B.J. nga Gostivari, të mërkurën mbrëma rreth orës 21:30 në SPB Tetovë ka raportuar se në hambarin e tij në rrethin e lagjes Cigllanë është përhapur zjarr. Nga zjarri nuk ka të lënduar, ndërsa me ndërhyrjen e Njësitit Territorial të Zjarrfikësve të Gostivarit, zjarri është lokalizuar plotësisht. Janë djegur drutë për ngrohje dhe prodhimet e ndryshme që ruheshin në objekt. Një ekip i Sektorit të Punëve të Brendshme të Gostivarit gjatë ditës së enjte do të kryejë inspektimin në vendin e ngjarjes.
