Zeqirija Ibrahimi: Asnjë plan në ‘Bit Pazar’ nuk do të miratohet pa pëlqimin e tregtarëve

Kandidati i Lëvizjes BESA për komunën e Çairit, Zeqirija Ibrahimi i bëri thirrje sot kryetarit aktual të kësaj Komune, Izet Mexhiti, që të mos e nënshkruaj lejen për ndërtimin e Bitpazarit, sepse siç tha Ibrahimi, kjo është e dëmshme për tregtarët, sepse ata kanë informata se plani për Bitpazarin tashmë ka pësuar ndryshime të mëdha në interes të personave të caktuar të mafias urbane në Komunën e Çair. Zeqirja Ibrahimi tha se ata do ti zgjidhin problemet e Bitpazarit në favor të këtij tregu.
“I bëjmë thirrje gjithashtu edhe drejtorisë “Skopski Pazar” që të mos tallet me tregtarët e Bitpazarit sepse aty e sigurojë ekzistencën e tyre më shumë se 2 000 familje dhe askujt nuk i lejohet që për hesape të veta të biznesit ta rrisë nivelin e papunësisë dhe ti lë njerëzit në rrugë. E treta u premtojmë tregtarëve të Bitpazarit se asnjë plan nuk do të miratohet në Bitpazar pa miratimin dhe pëlqimin e tregtarëve të këtij tregu. Nuk i lejohet askujt që të marrë asnjë vendim që premton edhe një biznes të vetëm në Bitpazar”, deklaroi Zeqirija Ibrahimi, Kandidat i L. BESA për Çairin.