Janë zbardhur vendimet e Kryesisë së PD-së, lidhur me zgjedhjet parlamentare që pritet të mbahen më 11 maj të vitit 2025.
Kryesia e Partisë Demokratike ka caktuar grupet e punës në çdo qark dhe drejtuesit e tyre.
Në qarkun e Elbasanit do të jenë 24 pjesëtarë të grupit të punës së PD, të cilët do të drejtohen nga Tomor Alizoti. Në qarkun e Beratit do të jenë 6 pjesëtarë që do të drejtohen nga Eno Bozdo.
Ndërkohë Kavaja dhe Rrogozhina do të drejtohen nga Fisnik Qosja dhe një grup prej 3 pjesëtarësh.
Puna në terren në qarkun e Kukësit do të drejtohet nga Flamur Hoxha. Grupi i Kukësit është i përbërë nga 4 anëtarë.
Qarku i Lezhës do të drejtohet nga Agron Gjekmarkaj, me një grup të përbërë prej 12 anëtarësh.
