Zaev me 8 këshilltarë të veçantë, asnjëri shqiptarë

Kryeministri Zoran Zaev ka 8 këshilltarë të veçantë dhe 4 këshilltarë të jashtëm. Këshilltarë të veçantë janë Tanja Çaçareva Ilievska, për drejtësi, Cvetanka Llaskova për kulturë, Ljupka Cvetkovska për administratë, Marjan Zabërçanec për marrëdhënie me publikun, Dane Taleski për punë të jashtme,Bojan Mariçiq për euro integrime, Lençe Nikollovska për bujqësi dhe Dragan Jovanov për ekonomi. Rroga e këshilltarëve të veçantë varion nga 35 deri më 40 mijë denarë. Përveç, 8 këshilltarëve të veçantë kryeministri Zaev ka edhe 4 këshilltarë të jashtëm, mes të cilëve edhe një shtetas të Serbisë, i cili është edhe më i paguari në listën e të gjithë këshilltarëve të tij, raporton SHENJA.
Zoran Bashanoviq nga Serbia është këshilltar për çështje ekonomike , ndërsa honorari i tij do të jetë 90-të mijë denarë, ose rreth 1 500 euro. Këshilltarët e tjerë janë edhe Ismet Ramadani dhe Mersel Bilalli, të cilët do të marrin honorar prej 40 mijë denarëve, ose 650 euro. Ramadani dhe Bilalli janë këshilltarë për këshilla dhe analiza për përparimin e marrëdhënieve ndëretnike dhe prioritetet e integrimit euroatlantik. Këshilltari i katërt është Mitko Andreevski, që do të jetë i angazhuar për përpilimin e elaborateve në fushën e energjetikës.