Lideri i LSDM-së, Zoran Zaev, në debatin e sotëm në Manastir, tha se Republika e Maqedonisë së Veriut po ecën me vendosmëri në atë që është në interes të qytetarëve. “Është shumë e rëndësishme të shkojmë përpara. Kemi hapur të gjitha dritaret dhe dyert për të ardhmen tonë të sigurt dhe të qëndrueshme. Stabiliteti, siguria, do të thotë përparim, më shumë para, investime. Nuk ka rrugë tjetër përveç kësaj”, tha Zaev. Ai bëri thirrje për dalje në masë të dielën. Lideri i LSDM tha se përparimi i vendit u njoh nga vendet demokratike dhe miqtë nga BE dhe se ai pret që këtë verë një hap të ri në rrugën drejt Bashkimit Evropian. /
